ಮಕ್ಕಳ ಮೇಲೆ ಆಣೆ ಮಾಡಿ ಭಾವುಕರಾದ ಅನಿರುದ್ಧ್ ಹೇಳಿದ ಮಾತು ನೋಡಿ..

ನಟ ಅನಿರುದ್ಧ್ ಅವರ ವಿಚಾರ ಸುದ್ದಿಯಾಗುತ್ತಿದ್ದಂತೆ ಇಂದು ಅಧಿಕೃತವಾಗಿ ಅವರು ಬ್ಯಾನ್ ಆಗಿರುವ ವಿಚಾರ ಅವರಿಗೆ ತಿಳಿದು ಇಂದು ಮಾದ್ಯಮದ ಮುಂದೆ ಸುದ್ದಿಗೋಷ್ಟಿ‌ ಮಾಡಿದ್ದು ಇಂದು ಸಾಕಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.. ಹೌದು ಆರೂರು ಜಗದಿಉಶ್ ಅವರು ಹೇಳೋ ಪ್ರಕಾರ ಅನಿರುದ್ಧ್ ಅವರಿಗೆ ಅಹಂಕಾರ ಬಂತು.. ಕ್ಯಾರಾವ್ಯಾನ್ ಬೇಕೇ ಬೇಕು ಅಂತ ಹೇಳ್ತಿದ್ರು ಹೀಗೆ ಸಾಕಷ್ಟು ವಿಚಾರಗಳನ್ನು ತಿಳಿಸಿದ್ದರು.. ಆದರೆ ಈಗ ಅನಿರುದ್ಧ್ ಅವರು ಸುದ್ಧಿಗೋಷ್ಟಿ ನಡೆಸಿ ಸಾಕಷ್ಟು ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ.. ಜೊತೆಗೆ ನಿರ್ದೇಶಕರಾದ ಆರೂರು ಜಗದೀಶ್ ಅವರು ಸಾಕಷ್ಟು ಸುಳ್ಳುಗಳನ್ನು ಹೇಳಿದ್ದಾರೆ ಎಂದು ತಿಳಿಸಿದ್ದಾರೆ..

ಹೌದು “ಆರೂರು ಜಗದೀಶ್ ಎಷ್ಟು ಸಂಚಿಕೆಗಳನ್ನ ನಿರ್ದೇಶನ ಮಾಡಿದ್ದಾರೆ? ಸಂಚಿಕೆ ನಿರ್ದೇಶಕ ಮಧು ಉತ್ತಮ್ ಕೆಲಸದ ಪದ್ಧತಿ ಸರಿಯಿಲ್ಲ. ಅವರ ನಡವಳಿಕೆಯಿಂದ ಕಲಾವಿದರು ಅತ್ತಿದ್ದಾರೆ.. ಸುತ್ತೋದಕ್ಕಾಗಿ ಡೈರೆಕ್ಟರ್ ಆಗಿದ್ದೀರಾ ಅಂತ ನಾನು ಎಪಿಸೋಡ್ ಡೈರೆಕ್ಟರ್‌ಗೆ ಹೇಳಿದ್ದೇನೆ. ಯಾಕೆ ಇಂಡಸ್ಟ್ರಿಗೆ ಬಂದ್ರಿ? ಜವಾಬ್ದಾರಿ ಇಲ್ವಾ? ಅಂತ ಬೈದಿದ್ದೇನೆ ನಾನು. ಈ ತರಹದ ವಾತಾವರಣ ಇದ್ದರೆ ನನಗೆ ಆಗಲ್ಲ ಅಂತ ನಾನು ಆರೂರು ಜಗದೀಶ್‌ಗೆ ಫೋನ್ ಮಾಡಿ ಹೇಳಿದ್ದೇನೆ. ಅವರ ಜೊತೆ ಕೆಲಸ ಮಾಡೋದು ಬಹಳ ಕಷ್ಟ ಇದೆ. ಮಧು ಉತ್ತಮ್ ಹೊಟ್ಟೆ ಮೇಲೆ ಹೊಡೆಯೋಕೆ ನನಗೆ ಇಷ್ಟ ಇಲ್ಲ. ಆದರೆ, ಅವರ ಕೆಲಸದ ಪದ್ಧತಿ ಸರಿಯಿಲ್ಲ. ಅವರ ನಡವಳಿಕೆಯಿಂದ ನಮ್ಮ ಕಲಾವಿದರು ಅತ್ತಿದ್ದಾರೆ. ಇದನ್ನ ನಾನು ನನ್ನ ಮಕ್ಕಳ ಮೇಲೆ ಆಣೆ ಮಾಡಿ ಹೇಳುತ್ತಿದ್ದೇನೆ..

ಒಂದುವರೆ ವರ್ಷ ನಾನು ಹಗಲು ರಾತ್ರಿ ಕೆಲಸ ಮಾಡಿದ್ದೇನೆ. ಅವರು ಹೇಳಿದ ಟೈಮ್‌ಗೆ ಹೋಗಿದ್ದೇನೆ. ಅವರು ಹೇಳಿದ ಟೈಮ್‌ಗೆ ಬಂದಿದ್ದೇನೆ. ರಾಜಾನುಕುಂಟೆಯಲ್ಲಿ ಯಾವಾಗಲೋ ಒಮ್ಮೆ ಶೂಟಿಂಗ್ ಇರುತ್ತೆ ಅಂತ ನನಗೆ ಆರೂರು ಜಗದೀಶ್ ಸುಳ್ಳು ಹೇಳಿದ್ದರು. ಆಮೇಲೆ ನೋಡಿದರೆ, ಅದೇ ನನ್ನ (ಆರ್ಯವರ್ಧನ್) ಮನೆ. ಎಷ್ಟು ದಿನ ಬೆಳಗಿನ ಜಾವದ ವರೆಗೆ ಕೆಲಸ ಮಾಡಿದ್ದೇನೆ. ಕಳೆದ 3 ವರ್ಷಗಳಿಂದ ಒಂದು ತೊಟ್ಟು ನೀರು ಕೂಡ ನಾನು ಅವರ ಪ್ರೊಡಕ್ಷನ್‌ನಿಂದ ಮುಟ್ಟಿಲ್ಲ. ಇದು ದುರಂತ..

ಊಟ, ತಿಂಡಿ, ಹಣ್ಣು, ಗ್ರೀನ್ ಟೀ, ಬ್ಲಾಕ್ ಕಾಫಿ.. ಎಲ್ಲವೂ ನನಗೆ ಮನೆಯಿಂದಲೇ ಬರುತ್ತೆ. ಹೈದರಾಬಾದ್‌ಗೆ ಹೋಗಿದ್ದಾಗ ನಮ್ಮನ್ನ ಅವರು ಇರಿಸಿದ್ದು ಅದೇ ಹೋಟೆಲ್‌ನಲ್ಲಿ. ಅಲ್ಲೇ ಊಟದ ವ್ಯವಸ್ಥೆ ಇತ್ತು. ಅಲ್ಲೇ ಊಟ ಮಾಡಿದ್ದೇನೆ. ಇದರಲ್ಲಿ ತಪ್ಪೇನು?..

ಕೋವಿಡ್‌ ಟೈಮ್‌ನಲ್ಲಿ ನಮಗೆ ಅವರು ಹಳೇ ಪೇಮೆಂಟ್ ಕೊಡ್ತೀನಿ ಅಂತ ಪ್ರಾಮಿಸ್ ಮಾಡಿದ್ದರು. ಅದೇ ಪೇಮೆಂಟ್ ಕೊಟ್ಟರೆ ನಾನು ಮಾಡುತ್ತೇನೆ ಅಂತ ನಾನು ಹೇಳಿದ್ದೆ. ಆದರೆ, ಅವರು ಕಟ್ ಮಾಡಿ ಪೇಮೆಂಟ್ ಕೊಟ್ಟರು. ಯಾಕೆ ಅಂತ ನಾನು ಕೋಪದಿಂದ ಕೇಳಿದೆ. ಮಹಾಸಂಗಮದ ಟೈಮ್‌ನಲ್ಲಿ ನಾನು ಕೂಗಾಡಿದ್ದೆ ನಿಜ. ಯಾಕಂದ್ರೆ, ಎರಡನೇ ತಿಂಗಳೂ ಪೇಮೆಂಟ್ ಕಟ್ ಮಾಡಿ ನನಗೆ ಕೊಟ್ಟಿದ್ದರು. ಚಾನೆಲ್‌ನವರೂ ಈ ಬಗ್ಗೆ ಅವರನ್ನ ವಿಚಾರಿಸಿದೆ.. ಮೂರ್ಖರ ತರಹ ಕೆಲಸ ಮಾಡಬಾರದು’’ ಅಂತ ನಾನು ಹೇಳಿದ್ದು. ನಿರ್ದೇಶಕರಿಗೆ ನಾನು ಮೂರ್ಖ ಅಂತ ಕರೆದಿಲ್ಲ. ಇದೆಲ್ಲದರ ಮೆಂಟಲ್ ಸ್ಟ್ರೆಸ್‌ನಿಂದ ನಾನು ಆಸ್ಪತ್ರೆಗೆ ಹೋಗಬೇಕಿದೆ. ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ನಾನು ಸಹ ಕಲಾವಿದರೆಲ್ಲರೂ ಒಟ್ಟಿಗೆ ಊಟ ಮಾಡಿದ್ವಿ. ಇದು ದೊಡ್ಡ ವಿಷಯನಾ?..

ನಮ್ಮ ಕ್ಯಾಮರಾಮ್ಯಾನ್‌ನ ಇವರು ತೆಗೆದಿದ್ದರು. ನಾನು ಫೋನ್ ಮಾಡಿ ಮಾತನಾಡಿ ತೆಗೀಬೇಡಿ ಅಂದೆ. ಮೇಘ ಶೆಟ್ಟಿ ಅವರನ್ನ ತೆಗೆದಿದ್ದರು. ನಾನು ಫೋನ್ ಮಾಡಿ ಮಾತನಾಡಿ ತೆಗೀಬೇಡಿ ಅಂದೆ. ಚಿಕ್ಕ ಪುಟ್ಟ ಸಮಸ್ಯೆ ಆಗುತ್ತಲಿರುತ್ತದೆ. ಅದಕ್ಕೆ ತೆಗಿಯೋಕೆ ಆಗುತ್ತಾ?.. ಬೆಂಜ್ ಕಾರು ಆಕ್ಸಿಡೆಂಟ್ ಆಗಿದ್ದು ನಿಜ. ಆಕ್ಸಿಡೆಂಟ್ ಮಾಡಿದ್ದು ನಾನೇ. ಅದೂ ನಿಜ. ರಾತ್ರಿ ಒಂದುವರೆಗೆ ಆಕ್ಸಿಡೆಂಟ್ ಆಗಿದ್ದು. ಆಗ ಆ ಸೀನ್ ಶೂಟಿಂಗ್ ಮಾಡುವಾಗ, ಡ್ರೈವ್ ಮಾಡಿಕೊಂಡು ಡೈಲಾಗ್ ಹೇಳಲ್ಲ. ಡ್ರೈವರ್ ಕೊಡಿ ಅಥವಾ ಕಾರು ನಿಲ್ಲಿಸಿ ಡೈಲಾಗ್ ಹೇಳಿಸಿ ಅಂತ ನಾನು ಹೇಳಿದ್ದೆ. ಆದರೆ, ಅವರು ಕೇಳಲೇ ಇಲ್ಲ. ಪೊಲೀಸ್ ಸ್ಟೇಷನ್‌ಗೆ ನಾನೂ ಹೋಗಿದ್ದೇನೆ.. ಆರೂರು ಜಗದೀಶ್ ಎಷ್ಟು ಸಂಚಿಕೆಗಳನ್ನು ನಿರ್ದೇಶನ ಮಾಡಿದ್ದಾರೆ ಕೇಳಿ..? ನನ್ನ ಬಳಿ ಅವರು ಮೊದಲು ಬಂದಾಗ ‘ಜೊತೆ ಜೊತೆಯಲಿ’ ಸೀರಿಯಲ್‌ನ ಸಿನಿಮಾ ಮಟ್ಟಕ್ಕೆ ತೆಗೆದುಕೊಂಡು ಹೋಗ್ತೀನಿ ಎಂದಿದ್ದರು. ಬರ್ತಾ ಬರ್ತಾ ರಾಜಾನುಕುಂಟೆ ಬಂಗಲೆ ಹೋಗಿ ಚಿಕ್ಕ ಮನೆಗೆ ಬಂದ್ವಿ. ಬೆಂಜ್ ಆಕ್ಸಿಡೆಂಟ್ ಆದ್ಮೇಲೆ ಇನ್ನೋವಾ ಕಾರು ಬಂತು. ಆರ್ಯವರ್ಧನ್ ಅಂತ ಕೋಟ್ಯಾಧಿಪತಿ ಇನ್ನೋವಾ ಕಾರಿನಲ್ಲೇ ಓಡಾಡೋದು. ಬೆಡ್‌ ರೂಮ್‌ನಲ್ಲಿ ಒಂದು ಬೆಡ್‌ ಶೀಟ್ ಇದೆ. ಒಂದುವರೆ ವರ್ಷದಿಂದ ಅದೇ ಬೆಡ್‌ ಶೀಟ್ ಇದೆ. ಇನ್ಸ್ಟಾಗ್ರಾಮ್‌ನಲ್ಲಿ ‘ಚೇಂಜ್ ಮಾಡ್ರೋ’ ಅಂತ ಹಾಕ್ತಿದ್ದಾರೆ. ಇದು ಪ್ರೊಡಕ್ಷನ್ ವ್ಯಾಲ್ಯೂ..

ಮಾನಿಟರ್ ತೋರಿಸಿ, ಚೆನ್ನಾಗಿ ಮಾಡ್ತೀನಿ, ಒನ್ ಮೋರ್ ಟೇಕ್ ಕೊಡಿ ಅನ್ನೋದು ತಪ್ಪಾ? ಮಾನಿಟರ್ ನೋಡೋದು ಬಿಟ್ಟು ನಾನು ಎರಡುವರೆ ವರ್ಷ ಆಗಿದೆ. ಫ್ಲ್ಯಾಶ್ ಬ್ಯಾಕ್‌ ಕಥೆಗಾಗಿ 12 ಕೆಜಿ ತೂಕ ಕಡಿಮೆ ಮಾಡಿದ್ದೇನೆ. ಇದು ಖಂಡಿತ ಸುಲಭ ಅಲ್ಲ. ಇದನ್ನ ನಾನು ಮಾಡಿದ್ಯಾಕೆ? ಸೀರಿಯಲ್‌ಗಾಗಿಯೇ. ನನ್ನಿಂದ ಟಿಆರ್‌ಪಿ ಡೌನ್ ಆಗ್ತಿದ್ಯಾ ಅಂತ ಅವರನ್ನ ಮಕ್ಕಳ ಮೇಲೆ ಆಣೆ ಮಾಡಿ ಹೇಳೋಕೆ ಹೇಳಿ.. ನನಗೆ ‘ಜೊತೆ ಜೊತೆಯಲಿ’ ಪ್ರಾಜೆಕ್ಟ್ ಮೇಲೆ ಕಮಿಟ್‌ಮೆಂಟ್ ಇದೆ. ಅದನ್ನ ಅರ್ಧಕ್ಕೆ ಬಿಟ್ಟು ಹೋಗೋಕೆ ನನಗೆ ಮನಸ್ಸಿಲ್ಲ. ಜಗಳ, ಮನಸ್ತಾಪ ಮನೆಯಲ್ಲಿ ಆಗಲ್ವಾ? ವಾಪಸ್ ಬಂದರೆ ಎಲ್ಲವೂ ಮರೆತು ಹೋಗುತ್ತೆ. ಇದನ್ನ ಬಗೆಹರಿಸಿಕೋಕೆ ನಿರ್ಮಾಪಕರು ಪ್ರಯತ್ನ ಪಟ್ಟಿದ್ದಾರಾ ಎಂದಿದ್ದಾರೆ..